Воените началници на Пакистан и Иран се состанаа во текот на викендот.
Генералот Асим Мунир, началник на пакистанската армија, отпатува за Техеран за да се сретне со началникот на Генералштабот на иранската армија, генерал Мохамад Хосеин Багери, за да разговара за широк спектар на теми од заеднички интерес, вклучувајќи го и проширувањето на билатералните односи.
Односите меѓу двете земји се нарушени бидејќи Иран честопати беше подложен на напади од пакистански милитанти.
Во соопштението се вели: „Воените команданти од двете страни се согласија дека тероризмот е заедничка закана за регионот воопшто и за двете земји особено. Тие ветија дека ќе ја искоренат заканата од тероризмот во пограничните области преку размена на разузнавачки информации и ефективни дејства против мрежите на терористите и ќе ги истражат патиштата за унапредување на соработката во доменот на безбедноста“.
Мунир, исто така, се состана со иранскиот претседател Ебрахим Раиси и министерот за надворешни работи Хосеин Амир Абдолахаин и разговараше за важноста на билатералните односи за регионалниот мир и стабилност.