Апелациониот суд во Холандија пресуди дека оваа земја е одговорна за смртта на тројца босански муслимани за време на масакрот во Сребреница во 1995-та година. Судот наведува дека холанскиот мировен корпус со мандат на ОН кои го обезбедувале регионот во тој период, не сториле доволно за да го заштитат населението.
Судот вели дека холандските сили, цитираме, „ги предале тие мажи“ на босанско-српската армија.
Апелациониот суд и` нареди на холандската влада да ги компензира семејствата на жртвите. Сумата на компензацијата не е објавена.