Линкови за пристапност

Болеста го натерала да се радува на животот


Болеста го натерала да се радува на животот
Болеста го натерала да се радува на животот

Живее за да известува од спортски настани

Спортски новинар – професија поврзана со патувања и дружење со познати лица, во центарот на случувањата! За еден новинар не беше се` така розово - на два пати го победи ракот и сега гледа со поинаков поглед – и на работата, и на животот.

Американецот од иранско потекло Араш Маркази го исполнил својот сон кога станал новинар во престижната спортска телевизија И-Ес-Пи-Ен.

„Отсекогаш сакав да пишувам. Сакав да се занимавам и со спорт, но не пораснав доволно. Затоа решив да пишувам за спортот“, раскажува 31-годишниот Маркази.

Преку 10 години работел за универзитетски весник - пишувал за спортисти погодени од тешки болести. Токму тогаш, сосема неочекувано, добил мошне лоша вест – самиот заболел од рак. Сепак, тоа не го поколебало. По агресивна терапија, ракот се повлекол и тој нашол работа во престижниот магазин Спортс илустрејтед во Њујорк. Но, ракот се вратил. Повторно минал тешка терапија. Додека се опоравувал, си задал цел.

„Направив листа на натпревари и настани на кои сакам да присуствувам, но и да известувам од нив“, вели Маркази.

Откако по втор пат се опоравил, на нештата гледа поинаку, со постојан потсетник - колку е драгоцен животот: „Повеќе го ценам животот. Луѓето ми велат - изгледаш многу среќен, што ти се случува? Веднаш возвраќам - се радувам на секој момент“.

Маркази има доволно пасија во себе да продолжи професионално да го следи спортот. Скромноста и неодоливата насмевка се гарант дека е подготвен да се соочи со најтешките предизвици – и на работа, и во животот.

XS
SM
MD
LG