Наводните шпиони пред суд, разговорите за размена продолжуваат

Десет членови на осомничениот руски шпионски прстен треба да се појават пред американски суд, додека растат индикациите оти наскоро тие може да бидат разменети за наводниот американски шпион затворен во Русија.

Наводните руски шпиони во четврток треба да се изјаснат дали се чувствуваат виновни пред федерален суд во Њујорк каде е поднесено обвинение против нив.

Роберт Баум, адвокат за осомничаната Ана Чепмен, кажа дека може да има брзо решение за случајот. Тој сугерираше дека неговиот клиент може да прифати договор за декларирање за виновна и депортирање.

Порано, семејството и адвокатот на рускиот научник затворен заради шпионирање за САД кажа дека тој може да биде разменет за Русите кои се држат во САД.

Има спротивставени извештаи за местото каде се држи научникот, Игор Сутјагин. Некои руски новински агенции велат дека тој веќе пристигнал во австрискиот главен град Виена. Ниту руски ниту американски официјални лица не коментираа.