Украинската победа во војната со Русија зависи од соработката со Европската Унија, им рече претседателот Володимир Зеленски на министрите за надворешни работи на ЕУ собрани во Киев денес.
Зеленски, исто така, ја подвлече важноста на „одбранбената поддршка“ за Украина откако американскиот Конгрес ја остави воената помош за Украина надвор од нацрт-законот за трошоци и по изборите во Словачка на кои победи партија чиј лидер рече дека ќе стави крај на воените резерви од армиските складишта за Украина.
Украина се надева дека ќе исполни низа критериуми на ЕУ за пристапување во блокот и многу се потпира на западната воена помош од целосната инвазија на Русија во февруари 2022 година.
„Сигурен сум дека Украина и целиот слободен свет се способни да победат во оваа конфронтација. Но, нашата победа директно зависи од нашата соработка со вас“, рече Зеленски во изјавата до министрите.
„За сите нас е многу важно да направиме чекори напред во секоја област, без да запираме на ништо, да ѝ да дадеме лидерство на Европа“, додаде тој во изјавата, објавена на претседателската веб-страница.
„Постојано се потребни нови чекори во одбраната и дипломатијата, политиката и интеграцијата, економијата и санкциите, чекори кои ќе ги зајакнат нашите заеднички позиции. Овие чекори, рече тој, вклучуваат активност во одбранбената поддршка за Украина и заштита на животот“.
