Линкови за пристапност

Снегот затвори многу локации за вакцинирање низ САД, Бајден ја одложи посетата на Стејт департментот


Денес во некои делови наврна снег од 7,6 до 12, 7 сантиметри, со околу шест сантиметри во делови на Пенсилванија, и околу 17,8 сантиметри снег во делови на Њу Џерси

Снежната бура која го зафати североисточниот дел на САД затвори многу локации за вакцинирање и други услуги поврзани со пандемијата, објави Асошиетед прес.

Метеорологот Лара Пагано од Националниот центар за временска прогноза, вели дека се очекуваат голем снег и силни ветришта и во текот на утрешниот ден.

Денес во некои делови наврна снег од 7,6 до 12, 7 сантиметри, со околу шест сантиметри во делови на Пенсилванија, и околу 17,8 сантиметри снег во делови на Њу Џерси.

Прекината е и наставата во некои училишта, а градоначалникот на Њујорк Бил де Бласио, за телевизијата Ем-ес-ен-би-си, рече дека се надева оти утре центрите за вакцинација би можеле повторно да се отворат.

Гувернерот на Њу Џерси Фил Марфи, прогласи вонредна состојба и ги затвори сите владини канцеларии за несуштински персонал.

Стотици летови, исто така, се прекинати на главните аеродроми во регионот, а суспендирани се и возовите и автобусите во оваа сојузна држава.

Изминативе денови, снег, првпат по неколку години, наврна и во Охајо, главниот град Вашингтон, како и во делови на Вирџинија.

Снегот и студеното време го принудија претседателот Џо Бајден да ја одложи планираната посета на Стејт департментот.

Белата куќа соопшти дека посетата ќе биде презакажана за до крајот на неделата, кога дипломатите и вработените би можеле безбедно да патуваат.

Facebook Forum

XS
SM
MD
LG