Сенатот го поздрави договорот меѓу Македонија и Грција за решавање на спорот за името, како и да се зацврстат билатералните односи за доброто на двете држави, се вели во резолуцијата потпишана од осум сенатори.
„Честитки за премиерите Алексис Ципрас и Зоран Заев, и за министрите за надворешни работи Никос Коѕијас и Никола Димитров, нивните тимови и народот, за овој историски договор“, нагласува резолуцијата.
Според неа, Договорот ја потврдува стабилноста во југоисточна Европа, и е важна за безбедносните интереси на САД.
„Ги осудува напорите на Владата на Руската Федерација да ги наруши овој договор и поддршката на САД кон властите на Атина и Скопје да се справат со раширеното руско влијание“, велат сенаторите.
Тие ја охрабруваат Македонија „да продолжи да ги имплементира важните реформи, со цел да влезе во НАТО и во Европската унија, вклучувајќи ги и оние што се однесуваат на заштита на слободата на изразување, зацврстување на владеење на правото и борба против корупцијата“.
Резолуцијата, исто така, ги повикува Одделот за трговија на САД и Стејт департментот, како и други релевантни агенции ди ги поддржат американските компании, кои се заинтресирани да инвестирааат во југоисточна Европа.
Обединетата македонска дијаспора (ОМД) изрази незадоволство од резолуцијата на Сенатот.
„ОМД е незадоволна од резолуцијата на Сенатот бр.602, претставена вчера од страна на сенаторот од Конектикат Крис Марфи и сенаторот од Висконсин Рон Џонсон, која е навредлива за македонскиот народ, и е спротивна на долгогодишните принципи и политики на САД во поддршка на националното право на самоопределување“, се вели меѓудругото во реакцијата на ОМД, која побара поништување на резолуцијата.
Facebook Forum