Православните верници во Македонија на 14-ти февруари го прославуваат Свети Трифун, заштитникот на лозјата, според традицијата закројувајќи ги садниците. Белег на денот даваат и разните придружни манифестации: концерти, натпревари за најквалитетни вино и ракија и дегустации на пијалоците.
Во Тиквешијата, каде околу околу 7.000 семејства живеат од производство на грозје, празникот на лозарите мина во желбата „виното да биде благо, родот богат, а годината бериќетна!“. Во Кавадарци, градот на грозјето и виното, со поддршка и на Општината, имаше изложби за лозарството и винарството.
Во една од најпознатите македонски винарници, кавадаречкиот Тиквеш, посетителите ги очекуваа пригодни изненадувања. Според изјавата на претставници на винарницата, пренесена во медиумите, „виното е тесно врзано со традицијата и духот на овој народ, а овој празник е токму израз на една долга и богата традиција. Закројувањето на лозите го означува почетокот на новата винска година, односно е почеток на сите наши залагања и инвестиции за нов добар род, кој ќе биде преточен во врвно вино“.
И останатите винарници низ земјата, организираа пролсави за домашните и странски туристи, кои имаа можност да наздрават со македонско вино и да им посакаат на домаќините родна година.
Според медиумските извештаи, винарницата Стоби, која традиционално ги закројува лозовите насади во Градско, годинава го закрои и лозјето во кругот на самата винарница. Винарницата Сковин ги закроила лозјата на плантажата во Добри Дол, а потоа одржала прослава во ресторанот на самата визба.
Во Демир Капија, одбележувањето на денот на заштитникот на лозарите е во рамки на Неделата на традицијата, кога се одржуваат натпревари во закројување и за најдобри домашно произведени вино и ракија, како и за приготвување традиционални јадења.
Во општина Гевгелија, чествувањето на Свети Трифун се одржа во Прдејци, каде имало и свечена литургија во црквата Света Петка, по што симболично биле закроени лозјата на сите лозови плантажи.
Во скопската општина Илинден, празникот бил одбележан во селото Ајватовци, каде била одржана и божествена литургија. Во престолнината Скопје, пак, македонското здружение за култура, обичаи и традиции „Гороцвет“, со поддршка на весникот „Нова Македонија“, организираше манифестација со симболично закројување винова лоза во дворот на едно семејство во Дебар Маало, но и со одржување на музичка, поетска и хумористична работилница и испраќање симболична порака по Вардар.
И претседателот на Македонија Ѓорге Иванов закрои винова лоза на насадите на винаријата Далвина во селото Хамзали, општина Босилово, придружуван од неколку амбасадори во Скопје, а министерот за земјоделие Љупчо Димовски, присуствуваше на закројување во селото Курија, Неготинско. Министерот најави многу квалитетна реколта грозје и подобар пласман на македонското вино годинава, а потенцираше и дека целата извозна квота од Македонија за ЕУ е исполнета уште на 4-ти февруари. Тој се сретна и со незадоволните лозари, на кои им порача дека ќе ги добијат неисплатените пари за ланскиот род, како и дека уште утре ќе се одржи средба на оштетените лозари од визбата Винеа, со нејзините претставници, и со претставници од Инспекторатот за земјоделство.
Покрај чествувањето на виното, иако со понов датум, во Македонија веќе традиционално, на 14-ти февруари се одбележува и Денот на вљубените, но прославувањето има далеку поинтимен карактер, за разлика од Запад, каде е медиумски поекспонирано и низ поизразена комерцијализирана форма. Според медиумските најави, денес во Скопје, градоначалникот на Општина Карпош Стевчо Јакимовски, по повод Св. Валентин, требаше да се сретне со осамените граѓани од општината.
Во Тиквешијата, каде околу околу 7.000 семејства живеат од производство на грозје, празникот на лозарите мина во желбата „виното да биде благо, родот богат, а годината бериќетна!“. Во Кавадарци, градот на грозјето и виното, со поддршка и на Општината, имаше изложби за лозарството и винарството.
Во една од најпознатите македонски винарници, кавадаречкиот Тиквеш, посетителите ги очекуваа пригодни изненадувања. Според изјавата на претставници на винарницата, пренесена во медиумите, „виното е тесно врзано со традицијата и духот на овој народ, а овој празник е токму израз на една долга и богата традиција. Закројувањето на лозите го означува почетокот на новата винска година, односно е почеток на сите наши залагања и инвестиции за нов добар род, кој ќе биде преточен во врвно вино“.
И останатите винарници низ земјата, организираа пролсави за домашните и странски туристи, кои имаа можност да наздрават со македонско вино и да им посакаат на домаќините родна година.
Според медиумските извештаи, винарницата Стоби, која традиционално ги закројува лозовите насади во Градско, годинава го закрои и лозјето во кругот на самата винарница. Винарницата Сковин ги закроила лозјата на плантажата во Добри Дол, а потоа одржала прослава во ресторанот на самата визба.
Во Демир Капија, одбележувањето на денот на заштитникот на лозарите е во рамки на Неделата на традицијата, кога се одржуваат натпревари во закројување и за најдобри домашно произведени вино и ракија, како и за приготвување традиционални јадења.
Во општина Гевгелија, чествувањето на Свети Трифун се одржа во Прдејци, каде имало и свечена литургија во црквата Света Петка, по што симболично биле закроени лозјата на сите лозови плантажи.
Во скопската општина Илинден, празникот бил одбележан во селото Ајватовци, каде била одржана и божествена литургија. Во престолнината Скопје, пак, македонското здружение за култура, обичаи и традиции „Гороцвет“, со поддршка на весникот „Нова Македонија“, организираше манифестација со симболично закројување винова лоза во дворот на едно семејство во Дебар Маало, но и со одржување на музичка, поетска и хумористична работилница и испраќање симболична порака по Вардар.
И претседателот на Македонија Ѓорге Иванов закрои винова лоза на насадите на винаријата Далвина во селото Хамзали, општина Босилово, придружуван од неколку амбасадори во Скопје, а министерот за земјоделие Љупчо Димовски, присуствуваше на закројување во селото Курија, Неготинско. Министерот најави многу квалитетна реколта грозје и подобар пласман на македонското вино годинава, а потенцираше и дека целата извозна квота од Македонија за ЕУ е исполнета уште на 4-ти февруари. Тој се сретна и со незадоволните лозари, на кои им порача дека ќе ги добијат неисплатените пари за ланскиот род, како и дека уште утре ќе се одржи средба на оштетените лозари од визбата Винеа, со нејзините претставници, и со претставници од Инспекторатот за земјоделство.
Покрај чествувањето на виното, иако со понов датум, во Македонија веќе традиционално, на 14-ти февруари се одбележува и Денот на вљубените, но прославувањето има далеку поинтимен карактер, за разлика од Запад, каде е медиумски поекспонирано и низ поизразена комерцијализирана форма. Според медиумските најави, денес во Скопје, градоначалникот на Општина Карпош Стевчо Јакимовски, по повод Св. Валентин, требаше да се сретне со осамените граѓани од општината.