САД воведоа санкции за членови на група поврзана со руското разузнавање поради нивната улога во напорите на Москва да ја дестабилизира демократијата и да влијае на изборите во Молдавија, соопшти Одделот за финансии.
Санкциите се насочени кон седум лица, од кои неколку имаат врски со руските разузнавачки служби, се вели во соопштението на Одделот.
Тие го вклучуваат водачот на групата Константин Прокопјевич Сапожников, кој го организираше заговорот за дестабилизација на владата на Молдавија на почетокот на 2023 година.
„Санкциите наметнати денеска ги осветлуваат тековните тајни напори на Русија за дестабилизација на демократските нации“, рече во изјавата Брајан Нелсон, потсекретар за тероризам и финансиско разузнавање во Одделот за финансии.
„Операциите за обид за влијание на Русија ги искористуваат грижите на граѓаните на овие земји, за да ги дестабилизираат легитимно избраните влади за сопствените интереси на Москва“.
Извор: Ројтерс