Администрацијата на претседателот Џо Бајден го информираше Конгресот на САД дека планира трансфер на прецизни бомби за Израел во вредност од 320 милиони долари, изјави денес извор запознаен со планот.
„Вол Стрит Џурнал“ најпрво објави дека администрацијата на 31 октомври испратила формално известување до конгресните лидери за планираниот трансфер на Spice Family Gliding Bomb Assemblies, тип на прецизно оружје истрелано од воени авиони.
Цитирајќи ја кореспонденцијата што ја видел, „Вол Стрит Џурнал“ објави дека производителот на оружје Рафаел САД ќе ги пренесе бомбите на својата израелска матична компанија за употреба од страна на израелското Министерство за одбрана.
Претходно денес, Обединетите нации соопштија дека Газа станува „гробница за деца“, засилувајќи ги барањата за прекин на огнот, додека палестинските здравствени власти соопштија дека бројот на загинати од израелските напади надминал 10.000.
