Русија денеска ја одржа претходно одложената воена парада на Денот на победата во Москва со претседателот Владимир Путин во обид да ја зацврсти поддршката пред референдумот што може да го отвори патот за негово продолжено владеење.
Парадата по повод поразот на нацистичка Германија во 1945 година во Втората светска војна традиционално се одржува на 9 мај.
Путин неволно го одложи настанот до 24 јуни поради пандемијата на коронавирус. Датумот се совпаѓа со 75-годишнината од првата советска парада за Денот на победата во 1945 година.
За Путин, настанот е особено значаен оваа година бидејќи е пред националното гласање на 1 јули за контроверзните измени на уставот со кои ќе се отвори вратата за рускиот лидер да остане на власт до 2036 година. Тоa гласање беше закажано за 22 април, но исто така беше одложено поради пандемијата.
Од доаѓањето на власт пред две децении, Путин настојува како претседател или премиер да ги врати симболите на советското и руското минато за да го зајакне патриотизмот.
На 14 јуни, нова катедрала на руските вооружени сили беше осветена во Москва за да се одбележи 75-годишнината од крајот на, како што рече Кремљ , „Големата патриотска војна“, конфликт во кој загинаа повеќе од 20 милиони советски војници и граѓани.
Но, спектаклот на воената моќ на Црвениот плоштад во Москва - во кој учествуваа околу 14.000 војници од 13 држави, повеќе од 200 историски и модерни воени возила и 75 авиони - беше засенет од пандемијата на коронавирусот.
Повеќето трупи на парадата беа од Русија. Учествуваа, исто така, сили од Азербејџан, Ерменија, Белорусија, Кина, Индија, Казахстан, Киргистан, Молдавија, Монголија, Таџикистан, Туркменистан и Узбекистан.
Во Русија има потврдени 600.000 инфекции, со што државата е на трето место во светот според број на заболени. Потврдена е смртта на повеќе од 8.000 лица, но се верува дека реалните бројки се многу поголеми.
Русија започна масовно да ги укинува ограничувањата воведени поради пандемијата на коронавирусот во последните неколку недели, но дневниот број на нови случаи е натаму останува висок со над 7.000 новозаболени на ден.
Путин помина голем дел од пандемијата водејќи ги државните работи од далечина од неговата резиденција надвор од Москва.
На 24 јуни Кремљ го ограничи пристапот на Црвениот плоштад до областа каде Путин седеше заедно со странските лидери и ветераните од Втората светска војна.
Тие ветерани беа ставени во карантин пред парадата. Војниците кои учествувале на парадата исто така биле тестирани и сместени во карантин пред парадата.
Говорејќи на Црвениот плоштад, Путин изјави пред собирот: „Невозможно е да се замисли што би се случило со светот, доколку Црвената армија не го одбранеше“.
Путин рече дека на советските војници „не им треба војна, ниту на други земји, ниту слава, ниту чест. Тие се обидоа да го победат непријателот и да се вратат дома. И тие платија незаменлива цена за слободата на Европа“.
Facebook Forum