Линкови за пристапност

Русија: Поврзувањето на смртта на Британката затруена со „новичок“ и Москва е апсурд


Британската полиција отвори истрага за убиство

Русија вели дека би било „апсурдно“ Москва да се поврзува со смртта на Британката која беше изложена на истиот нервен агент како и поранешниот руски шпион Сергеј Скрипал и неговата ќерка Јулија во март годинава.

Портпаролот на Кремљ, Дмитриј Песков, рече дека Русија е „длабоко загрижена за тековните инциденти на труење на британска територија“, но додаде дека нема информации дека неговата земја е вклучена во нив.

Британската полиција отвори истрага за убиство, откако во болница во Салисбури почина 44-годишната Дон Стјурџес.

Таа се разболе на 30-ти јуни, заедно Чарли Роули, кој е хоспитализиран и е во критична состојба.

Полицијата соопшти дека тие биле затруени со агенсот „новичок“.

Велика Британија ја обвини Русија за труењето на Скрипал, обвинение што Русија го негира.

Facebook Forum

XS
SM
MD
LG