Рускиот опозициски политичар Алексеј Навални, повика на бојкот за следните претседателски избори во земјата, откако му беше забрането да учествува во изборната трка.
Руската Централна изборна комисија (ЦИК) во понеделникот гласаше за забрана Навални да се кандидира на претседателските избори во март 2018-та година, затоа што е осуден за кривични дела, за кои неговите следбеници рекоа дека се политички мотивирани.
Навални рече дека неговиот тим сега ќе води кампања против учество на претседателските избори.
„Го објавуваме штрајкот. Ќе повикаме на бојкот на овие избори, нема да ги прифатиме резултатите и ќе имаме голема национална кампања која ќе вклучува не само повик против изборите, туку ќе се жалиме и на оваа одлука ЦИК на Уставниот суд“, истакна тој.
Рускиот претседател Владимир Путин, претходно месецов објави дека ќе се кандидира на изборите на 18-ти март и се претпоставува дека ќе го освои четвртиот мандат како шеф на државата.
Facebook Forum