Руската државна телевизија денес објави дека еден од нејзините новинари починал откако бил повреден во напад со украинско беспилотно летало во областа Запорожје во јужна Украина, окупирана од Русија.
Руската мрежа ја објави смртта на Борис Максудов еден ден откако руското Министерство за одбрана соопшти дека тој бил погоден додека работел во Запорожје.
Во меѓувреме, украинските власти денес рекоа дека руското гранатирање убило едно лице, а друго е повредено во регионот Херсон во јужна Украина.
Официјалните лица рекоа дека областите погодени од руското гранатирање вклучуваат станбена зграда.
Украинскиот претседател Володимир Зеленски искористи дел од своето ноќно обраќање во средата за да ги нагласи новите пакети за воена помош од сојузниците, за кои рече дека вклучуваат помош за противвоздушната одбрана на неговата земја.
Зеленски рече дека помошта подобро ќе ги заштити градовите и населбите во Украина од руски напади и дека „небесниот штит на Украина станува помоќен буквално секој месец“.
Некои информации во текстот се од Асошиетед прес, агенцијата Франс- прес и Ројтерс