Линкови за пристапност

Русија нема да им прости на САД што одбија да им дадат визи на новинари, рече Лавров


САД сериозно ги сфаќаат своите обврски како земја-домаќин на ОН, вклучително и во однос на издавањето визи, соопшти Стејт департментот
САД сериозно ги сфаќаат своите обврски како земја-домаќин на ОН, вклучително и во однос на издавањето визи, соопшти Стејт департментот

Русија соопшти дека САД одбиле визи на новинарите кои сакале да го следат патувањето на министерот за надворешни работи Сергеј Лавров во Њујорк, а Лавров сугерираше дека Москва ќе преземе силни одмазднички мерки.

Немаше директен коментар од американскиот Стејт департмент за барањето за одбиени визи.

„САД сериозно ги сфаќаат своите обврски како земја-домаќин на ОН според Договорот за седиштето на ОН, вклучително и во однос на издавањето визи“, се вели во соопштението на портпаролот на Стејт департментот.

Новинарите сакаа да го проследат појавувањето на Лавров во Обединетите нации за да го одбележат руското претседавање со Советот за безбедност.

„Земја што се нарекува себеси најсилна, најпаметна, слободна и праведна земја, направи нешто глупаво, покажувајќи колку навистина вредат нејзините заколнати гаранции за заштита на слободата на говорот и пристапот до информации“, рече Лавров пред да замине од Москва вчера.

„Бидете сигурни дека нема да заборавиме и нема да простиме“, рече тој.

Заменик-министерот за надворешни работи Сергеј Рјабков рече „нагласувам дека ќе најдеме начини да одговориме на ова, така што Американците долго ќе паметат да не го прават тоа“.

Спорот доаѓа по високите тензии со Вашингтон околу апсењето минатиот месец на новинарот на „Вол Стрит Џурнал“ Иван Гершкович, кого Русија го обвинува за шпионажа. САД рекоа дека е „погрешно приведен“.

Многу западни новинари стационирани во Москва ја напуштија земјата откако Русија испрати војници во Украина.

Русија во моментов бара од странските новинари да ги обновуваат визите и акредитацијата на секои три месеци, во споредба со еднаш годишно пред почетокот на борбите.

Извор: АП

XS
SM
MD
LG