Линкови за пристапност

Почина Рос Перо


Ќе остане запаметен како најуспешниот претседателски кандидат од трета партија во речиси еден век

Рос Перо 89-годишниот милијардер и поранешен претседателски кандидат почина по битка со леукемија. Роден во Тексас, тој направи пари во компјутерската индустрија. Служеше во Морнарицата и е познат како застапник на американските затвореници во странство.

Во 1960те тој се обиде да испрати лекови и намирници на воени затвореници во Северен Виетнам. Во 70-те тој организираше упад во Иран за ослободување на двајца негови вработени кои биле држени за откуп. Два пати се кандидираше за претседател, во 1992 и 1996. Првиот пат, како независен кандидат, беше противник на актуелниот претседател Џорџ Херберт Вокер Буш и на Бил Клинтон. Перо немаше никакво владино искуство и тоа го користеше во кампањата. Во дебата, тој еднаш рече:

„Немам искуство во нефункционирачка влада, каде никој не презема одговорност за ништо, и секој обвинува секого“. Тој заврши со 19 проценти од гласовите, со што стана најуспешен кандидат од трета партија за речиси еден век.

Facebook Forum

XS
SM
MD
LG