Линкови за пристапност

Купчан: Успешен референдум е единствено решение, ако пропадне ќе треба да се повтори


Купчан: Референдумот ќе мора да се повтори во случај да пропадне на 30-ти септември
please wait

No media source currently available

0:00 0:01:47 0:00

Македонија треба да ги погледне Хрватска и Словенија, и да сфати каде води тој пат, порача професорот по меѓународни односи на Универзитетот Џорџтаун во Вашингтон

Успешен референдум е единстевно решение за Македонија, вели Чарлс Купчан, професор по меѓународни односи на Универзитетот Џорџтаун во Вашингтон.

Според него, референдумот ќе мора да се повтори во случај да пропадне на 30-ти септември.

„Ако пропадне референдумот ќе треба да се повтори следната година или таа по неа, затоа што тоа е правилно да се направи. Македонија знае каде ќе ја однесе овој пат, ако ги погледне Хрватска и Словенија. Прашањето е кога е подготвена да тргне во таа насока“, вели Купчан.

Тој нагласува дека перспективата на Македонија за членство во НАТО Алијансата е клучна од три основи причини.

Првата, вели тој, е што ќе се стави крај на прашањето за името, што е проблем за државата и регионот со години.

„Втора причина е тоа што ќе и` даде на Македонија место во трансатлантската заедница, која ќе ги стабилизира политиката и геоположбата на државата. Трето, гледајте низ призмата на последните години по падот на Берлинскиот ѕид, и ќе видите дека државите кои се приклучиле кон НАТО и ЕУ генерално завршиле добро“, објаснува тој.

Купчан смета дека референдумот нема да пропадне, и покрај многуте опозициски гласови во државата, како и надворешното влијание од Русија.

„Русија е многу добра со манипулација на социјалните медиуми. `Русија денес` и `Спутник` се многу ефективни алатки на руската пропаганда. Ние треба да возвратиме со слободни медиуми и пренесување на демократските идеи, како владеење на правото и поделба на партијата од државата“, вели Купчан.

Под претпставка 30-ти семптември за заврши успешно, играта не е завршена, рече тој.

Додава дека државата треба да се посвети на реформите за справување со корупција, владеење на правото и слобода на медиумите.

Facebook Forum

XS
SM
MD
LG