Пристапувањето во ЕУ останува наш клучен заеднички интерес, и ќе продолжиме да настојуваме со нашите европски партнери да се одржи Меѓувладината конференција со Северна Македонија за време на германското претседателство, вели помошникот државен секретар за европски и евроазиски прашања Филип Рикер, во писмо до премиерот Зоран Заев.
„Ви пишувам да го споделам нашето разочарување што земјите - членки на ЕУ не успеаја да постигнат договор за одобрување на преговарачката рамка за Северна Македонија“, напиша Рикер во писмото.
Рикер рече дека „ве охрабруваме вас, и ЕУ членките, да продолжите да ги решавате билатералните спорови надвор од пристапниот процес за ЕУ, додека аспирантките, истовремено, напредуваат преку отворање и затворање на поглавјата“.
Тој нагласи дека САД се оптимисти оти Меѓувладината конференција, означувајќи го почеток на преговорите на Северна Македонија со ЕУ, ќе се одржи наскоро.
Facebook Forum