Жителите на американската територија Порторико, вчера преку необврзувачки референдум, гласаа за опцијата да стане 51-ва држава на САД.
Речиси половина милион гласови беа за државност, околу 7.600 за слободно здружување/независност, а речиси 6.700 за сегашниот територијален статус. Одзивот на гласачите беше 23 проценти.
Ова е петти ваков референдум во Порторико. Во 2012-та, островот се одлучи за државност, но Конгресот никогаш не го покрена прашањето.
Жителите на Порторико се ослободени од американскиот федерален данок на доход, но и натаму плаќаат за социјално осигурување, Медикеар и локални даноци, а територијата добива помалку федерални средства споредено со другите сојузни држави.
Facebook Forum