Актуелниот претседател Џо Бајден и поранешниот претседател Доналд Трамп ќе бидат на гласачките ливчиња во вторник на партиски избори во Џорџија, држава која може да игра клучна улога на претседателските избори во ноември. Џорџија е единствената од неопределените држави што одржува прелиминарни избори во вторник и носи голем број делегати. И Бајден и Трамп, доколку победат, се очекува формално да ги обезбедат своите партиски номинации по гласањето.
За Трамп, победата на републиканските прелиминарни избори во Џорџија во вторник може да значи и дека тој освоил доволно делегати за формално да биде прогласен за претседателски кандидат. Трамп практично нема противници откако Ники Хејли исто така се повлече од трката, а бројот на предизвикувачите на Бајден исто така се намали откако Дин Филипс се повлече од трката - иако ниту тој, ниту авторот Маријан Вилијамсон не добија многу од гласовите на Бајден.
Џорџија има прелиминарни избори отворени за сите гласачи, односно не треба да се регистрира во партијата за да се гласа. Прелиминарните избори во таа држава носат 108 делегати кај демократите, а 59 кај републиканците.
Џорџија е значајна и од друга причина - тоа е државата од која потекнува едно од четирите обвиненија против Трамп, за обид да се смени изборниот резултат во таа држава во негова корист во 2020 година. Трамп ја загуби Џорџија од Бајден со 11.779 гласа и побара од шефот на државната изборна комисија, Брет Рафенспрагер, да му ги признае тие гласови, со што тој не се согласи.
Судењето во таа постапка се уште не е започнато, а Трамп негира дека се обидел да го сврти изборниот резултат во своја полза. Поранешниот претседател и неговите сообвинети се обидуваат да ја компромитираат обвинителката што го води случајот Фани Вилис, тврдејќи дека била во врска со еден од истражителите на случајот и дека финансиски профитирала од тоа. Таа негира, а Трамп бара таа да биде изземена од случајот.
За актуелниот претседател Џо Бајден е отворено прашање колку гласови ќе добие од Афроамериканците кои му помогнаа да победи во Џорџија во 2020 година.
Според истражувањето на Пју ценатарот, 92 отсто од Афроамериканците го поддржале Бајден во 2020 година, население кое традиционално гласа за демократите. Меѓутоа, неодамнешното истражување на истиот институт покажа дека околу половина од Афроамериканците во Џорџија не го поддржуваат актуелниот претседател. Велат дека чувствуваат дека тоа не им функционира доволно, а се случува и да не знаат за некои одлуки на администрацијата од кои директна корист имале.
Околу 33 отсто од гласачите во Џорџија се Афроамериканци. Една од нивните главни грижи е здравственото осигурување: Џорџија има највисока стапка на смртност кај црните мајки и деца. Афроамериканските гласачи во државата се исто така фрустрирани од бавниот напредок во отстранувањето на бариерите за гласање, како и од прекројувањето на конгресните области што им го отежнува гласањето, велат активистите за правата на глас.
Обидите на демократите да го решат проблемот - вклучително и усвојување на сеопфатен нацрт-закон за гласачките права - во голема мера беа блокирани од републиканците во Конгресот.
Кампањата на Бајден тврди дека Афроамериканците се клучна група на гласачи на кои претседателот е фокусиран и сака да ја добие нивната поддршка. Политичките стратези сметаат дека е малку веројатно републиканците да добијат значителна поддршка од оваа група избирачи. Но, можноста одреден број да се сврти кон републиканците или дури и да не гласа, може да влијае на исходот од претседателските избори во ноември.
Воспалителната реторика и коментарите на Трамп, кои често се сметаат за расистички, придонесоа за отуѓување на Афроамериканците со текот на годините.
Анкетите покажуваат дека Афроамериканците со години се загрижени за порастот на белиот национализам и расизам, што кулминираше со масовното пукање на Афроамериканците во супермаркет во Бафало во 2022 година, како и со убиството на три лица во продавница за долари во Флорида минатата година.
Оние кои водат кампања на теренот велат дека ситуацијата во однос на поддршката за Бајден е „далеку од сериозна“ и дека тој работи добро, иако има уште работа.
Долгогодишниот жител на Џорџија Карл Букер ќе гласа за Бајден.
„Мислам дека Афроамериканскиот глас ќе биде предност што повторно ќе му помогне на Бајден. Луѓето секогаш велат дека гласаат за помалото од двете зла. Мислам дека Бајден е личноста која може да ја води оваа земја напред во следните четири години“, рече Букер.
Некои материјали во овој извештај дојдоа од Асошиетед прес и Ројтерс.