Моментално тестовите за дијагноза на вродени аномалии кај фетусот се вршат на инвазивен начин преку директно земање на течност или ткиво од плацентата.
Процедурата амниоцентеза и биопсијата на хорионски ресички (CVS) се прават на крајот од првиот триместар од бременоста, а со себе носат мал ризик од деформитети кај фетусот, па дури и смрт.
Во потрага по побезбеден тест, лекарите се сетиле да го искористат ПАП-тестот преку кој вадат примерок на клетки од грлото на матката на жените и ги испитуваат. Во изминативе 40 години е познато дека плацентата која го обвива и го храни фетусот остава клетки на нероденото бебе во телото на мајката, кои може да се испитаат преку ПАП тестот.
Но проблемот е што клетките на мајката се измешани со оние на фетусот.
Научниците најдоа начин како да ги издвојат клетките со помош на поедноставен и неинвазивен начин за да направат пренатален тест.
Саша Друлоу е профеосорка по молекуларна биологија на Универзитетот во Мичиган.
„Сите тие клетки се со мајчината ДНК и затоа може да бидат дискутабилни првобитните резултати. Задоволни сме што успеавме да го решиме овој проблем“, вели таа.
Друлоу и незјините колеги ја споредиле мајчината ДНК со примероци на ткиво земено од плацентата.
Користејќи специјален метод кој ги мерел вредностите на протеини во клетките од плацентата успеале да ја издвојат мајчината ДНК од онаа на фетусот.
Во сите случаи во кои го примениле методот на испитување на клетките добиени од ПАП тестовите научниците биле во можност да направат разлика помеѓу клетките на мајките од оние на фетусот.
Истражувањето покажало дека тестот може да се изведе кај жената до петтата недела од бременост без никаков ризик за фетусот.
Друлоу вели дека наскоро лекарите ќе почнат да ги користат ПАП тестовите за пренатална дијагноза.
Друлоу вели дека во следната студија ќе ги користат брисевите од грлото на матката кај жените за да проверат дали има вродени малформации кај фетусот.