Помпео во Чиле - се очекува да ги брани санкциите на САД кон Венецуела

Државниот секретар на САД Мајк Помпео е во Чиле, што претставува прва посета во рамки на неговото патување во Јужна Америка. Тој се среќава со претседателот и министерот за надворешни работи, а се очекува да ги брани санкциите на САД кон Венецуела, како и да разговара за економските врски, кибернетика, наука и за технологија.

Освен Чиле, тој ќе ги посети и Парагвај, Перу и Колумбија, каде Кина има големи инвестиции изминативе години.

Таму се очекува да разговара за меѓународниот криминал и поддршката за венецуелските бегалци.