Помпео нема да влезе во трка за сенатор од Канзас

Државниот секретар Мајк Помпео рече дека нема да се бори за место во Сенатот во неговата сојузна држава Канзас.

„Јас сум тука, и ми се допаѓа“, изјави Помпео во интервју за телевизијата Ен-Би-Си.

Помпео, поранешен конгресмен од Канзас и директор на Централната разузнавачка агенција (ЦИА), потврди дека бил прашан од лидерот на републиканското мнозинство во Сенатот Мич Меконел дали би сакал да влезе во трка на изборите во 2020-та година.

Помпео изминативе неколку месеци, во бројни интервјуа, истакна дека не планира да замине од Стејт департмент во блиска иднина.

„Ќе бидам државен секретар се` додека претседателот Доналд Трамп ми даде можност да служам како американски дипломат“, рече Помпео.