Mажите и жените во Панама не излегуваат од дома во ист ден како мерка против пандемијата

Панама користи родово базиран концепт како дополнување на веќе воспоставените ограничувања со цел да се спречи ширењето на КОВИД-19.

Министерот за безбедност на Панама, Хуан Пино, соопшти дека до 15 април мажите и жените можат да ги напуштаат своите домови само на два часа во одредени денови.

Според планот на жените им се дозволува да излезат од дома за да купуваат во понеделник, среда и петок.

За мажите во Панама дозволено е излегување од дома во вторник, четврток и сабота. Никој не смее да излезе од дома во недела, освен поради итна ситуација.

Не е јасно како одвојувањето на мажите од жените во јавност ќе ги подобри шансите на Панама да ја намали растечката стапка на инфицирани.

Панама, исто така, ги заостри ноќните полициски контроли.

Досега во државата има 1.475 регистрирани случаи и 37 починати од вирусот.