Линкови за пристапност

100.000 Американци починале од предозирање со дрога за една година, објави ЦДЦ


Смртните случаи од предозирање сега се почести отколку смртните случаи од сообраќајни несреќи, пиштоли и грип, а срцевите заболувања остануваат причина број еден за смрт во САД

Центрите за контрола и превенција на болести на САД (ЦДЦ), сметаат дека 100.000 Американци починале од предозирање со дрога помеѓу мај 2020 година и април 2021 година, што е речиси за 30 проценти зголемување во однос на претходната година.

Иако бројката не е официјална, ЦДЦ велат дека може да потврдат 98.000 смртни случаи досега во текот на овој период, и проценуваат дека вкупниот број најверојатно ќе биде околу 100.300 откако ќе се официјализираат причините за смртта.

Може да бидат потребни месеци за да се истражат и финализираат смртните случаи од дрога. Експертите велат дека зголемената достапност на смртоносните опијати, особено фентанилот, е главна причина, односно е случај во 64 отсто од смртните случаи од предозирање.

Друг фактор е пандемијата на ковид-19, што им отежна на корисниците на дрога да добијат третман или поддршка.

Претседателот Џо Бајден ја нарече бројката „трагична пресвртница“ и нагласи дека неговата администрација „е посветена да стори сé што е во наша моќ за да се справи со зависноста и да стави крај на епидемијата на предозирање“.

Смртните случаи од предозирање сега се почести отколку смртните случаи од сообраќајни несреќи, пиштоли и грип. Срцевите заболувања се причина број еден за смрт во САД, убивајќи 660.000 лица во 2019 година.

Дел од информациите се преземени од Асошиетед прес

Facebook Forum

XS
SM
MD
LG