Линкови за пристапност

Познати номинациите за Оскар


Церемонијата на доделување на наградите на Филмската академија ќе се одржи на 22-ри февруари во Холивуд.

Birdman и The Grand Budapest Hotel добија по девет номинации, вклучувајќи и најдобар филм. Во Birdman – сатира на шоу бизнисот, доловена е приказна за актер со потешкотии во кариерата и кој се обидува да се пренасочи како режисер на Бродвеј. Во комедијата The Grand Budapest Hotel пак, фокусот е на европски батлер, наместен за убиство и неговите обиди да докаже дека е невин.

Меѓу останатите номинации за најдобар филм се The Theory of Everything и The Imitation Game, каде се претставени животните приказни на научниците Стивен Хокинг и Алан Туринг.

Тука е и Selma, драма посветена на американска активистка за човекови права, American Sniper, Whiplash, за млад џез тапанар кој бара професионалнo признание и Boyhood , сниман 12 години, каде се следи младоста на момче.

Холивудските експерти вели дека Boyhood има најголеми шанси за Оскар во категоријата за најдобар филм, со оглед на тоа што веќе се закити со Златниот глобус.

Номинирани за најдобар актер се Бредли Купер во American Sniper, Стив Карел во Foxcatcher, Бенедикт Кумбербеџ во The Imitation Game, Мајкл Китон во Birdman и Еди Редмејн во The Theory of Everything.

За најдобра актерка номинација доби Марион Котијар, за францускиот Two Days, One Night, што беше изненадување за некои. На Котијар и` се придружуваат Фелисити Џонс во The Theory of Everything, Џулијан Мур во Still Alice, Росамунд Пајк во Gone Girl и Рис Видерспун во Wild.

Филмовите од Полска, Русија, Аргентина, Мали и Грузија беа номинирани за Оскар во категоријата најдобар филм со странско говорно подрајче.

Церемонијата на доделување на наградите на Филмската академија ќе се одржат на 22-ри февруари во Холивуд.

XS
SM
MD
LG