Линкови за пристапност

Обама патува за Тусoн

update

Обама патува за Тусoн

Претседателот ќе зборува на Универзитетот во Аризона во Тусoн, каде се случи инцидентот

Американскиот претседател Барак Обама во среда патува за Аризона да присуствува на меморијална служба за жртвите на саботниот оружен инцидент во кој шест лица загинаа и тешко беше ранета американска конгресменка.

Претседателот ќе зборува на Универзитетот во Аризона во Тусoн, каде се случи пукањето.

Дваесет и двегодишниот Џаред Лафнер е обвинет за изведување на нападот додека претставничката во Конгресот Габриел Гифордс имаше средба со избирачите пред супермаркет во Тусoн, Аризона.

Лафнер е обвинет по една основа за обид за атентат на член на Конгресот, по две основи за убиство на вратен во федерална влада и уште две за обид за убиство на федерален работник.

Доколку биде осуден тој може да добие доживотен затвор или смртна казна.

Во вторник, лекарот што ја третира Гифордс кажа дека е охрабрен со нејзината состојба по санирањето на раната во главата. Тој рече дека Гифордс дише самостојно, и продолжува да одговара на едноставни команди. Тој рече дека за опоравувањето ќе треба време, и дека лекарите продолжуваат да бидат оптимисти доколку ситуацијата не се влоши.

XS
SM
MD
LG