Обама: Ризикот од нуклеарен напад е зголемен

Американскиот претседател Барак Обама вели дека ризикот од нуклеарен напад е зголемен со интересот на терористите да дојдат до нуклеарни материјали.

Зборувајќи во вторник на последниот ден од дводневниот нуклеарен самит, претседателот кажа дека иако заканата од нуклеарна војна меѓу државите е намалена, терористички групи како ал-Каида сакаат да дојдат до нуклеарни материјали.

Обама кажа дека новата нуклеарна закана со која се соочува светот по Студената војна е „сурова иронија на историјата“. Тој предупреди дека светските лидери мора сега да реагираат, а не само да зборуваат за обезбедување на нуклеарни материјали.

Претседателот исто така соопшти дека Јужна Кореја ќе биде домаќин на следниот нуклеарен самит за две години.