Линкови за пристапност

Исчезнати 110 девојчиња од нигерискиот град Дапчи


Властите водат интензивна кампања за потрага по ученичките

Нигериската влада потврди дека се исчезнати 110 ученички од градот Дапчи, откако наводно милитанти на Боко Харам го нападанале нивното училиште минатиот понеделник.

Владиниот министер за односи со јавноста Лаи Мохамед, вели дека вкупниот број на ученички кои дошле на училиште во понеделникот изнесувал 906, и оти сега недостигаат 110 од нив.

„Отсега, па натаму полицијата и службите за заштита на граѓаните ќе осигураат големо присуство во училиштата, за да се справат со бунтовниците“, вели тој.

Додека нигериските власти водат интензивна кампања за потрага по девојчињата, родителите и заедницата стравуваат дека вакво нешто може да се случи повторно.

Истовремено, активистите за заштита на девојчињата излегоа на улиците во Лагос и Абуџа, барајќи одговор од Владата, за справување со овој проблем.

Facebook Forum

XS
SM
MD
LG