Досега шест мртви при ерупцијата на вулкан во Нов Зеланд

Шест туристи го загубија животот при вчерашната ерупција на вулкан во Нов Зеланд.

Полицијата соопшти дека осум други се водат за исчезнати, а најмалку 31 лице е повредено.

Надлежните велат дека најмалку 27 преживеани се третираат од изгореници на нивните тела од над 70 проценти.

Поради условите на островот, спасувачките тимови не можат да се вратат и да трагаат по можни други преживеани.

Сеизмолошката агенција вели дека шансите се 50 проценти оти утре ќе се случи нова ерупција.