Линкови за пристапност

Претседателот направи измена на местото Национален советник за безбедност

Претседателот на САД Доналд Трамп го смени советникот за национална безбедност.

Во четвртокот вечерта, Трамп со порака на Твитер објави дека дека армискиот генерал-полковник Х. Р. Мекмастер ќе биде заменет со Џон Болтон, поранешен американски амбасадор во Обединетите нации кој во моментов е аналитичар на конзервативниот телевизиски канал Фокс Њуз.

Официјален претставник на Белата куќа изјави дека Трамп и Мекмастер „се договориле“ офицерот да се пензионира.

Болтон се смета за лице од тврдата линија и интервенционист во врска со прашањата за надворешната политика и одбраната.

Болтон неодамна се залагаше и за прв напад врз Северна Кореја како и за напуштањето од нуклеарниот договор со Иран.

„Мислам дека цел на американската надворешна политика е да ја стегне Северна Кореја до тој степен што режимот ќе попушти, а притисокот од Кина ќе помогне на долгорочен план за постигнување на целта“, рече Џон Болтон, поранешен амбасадор во Обединетите нации.

Мекмастер ќе биде на местото до средината на април.

Facebook Forum

XS
SM
MD
LG