Аризона ќе испрати 225 војници на границата со Мексико

Американската сојузна држава Аризона ќе испрати 225 војници на Националната гарда на границата со Мексико.

Гувернерот Даг Дуси денеска изјави дека дополнително ќе бидат распоредени и други војници.

Тој најави дека војниците ќе бидат распоредени на границата на Аризона со Мексико, во близина на Тусон, каде нема ѕид.

„Истото се случи и во времето на претседателот Обама, кога претседателот Буш беше на власт, така што не е ништо ново и уникатно претседателот Трамп да повика војници да ја чуваат границата со Мексико“, изјави гувернерот на Аризона.

Граничните држави Ново Мексико и Калифорнија не испратија војници, иако гувернерот на Ново Мексико посочи дека државата ќе учествува во таквата активност.

Гувернерот на Калифорнија, пак, не кажа како ќе постапи неговата држава.