Потсетник: 73 години од нуклеарната бомба во Нагасаки

Генералниот секретар на ОН, Антонио Гутераш, денес им се придружи на јапонските лидери во Нагасаки, по повод одбележувањето на 73-годишнината од атомската бомба на градот, поттикнувајќи ги напорите за денуклеаризацијата на Северна Кореја.

За време на свечената церемонија, Гутереш ги повика сите земји да се посветат на нуклеарното разоружување и да преземат конкретни чекори, бидејќи тој изрази загриженост во врска со забавениот напор околу ова прашање.

Градоначалникот на Нагасаки ја повика јапонската влада да стори повеќе, и да го води процесот за нуклеарно разоружување, а особено да помогне во напорите за денуклеаризацијата на Корејскиот Полуостров.

Бомбардирањето на Нагасаки кое се случи на 9-ти август 1945-та година, беше втор американски нуклеарен напад врз Јапонија, при што загинаа 70.000 луѓе, три дена по атомската бомба во Хирошима, при што загина 140.000 лица.