Брунеј повика состанок на АСЕАН за ситуацијата во Мјанмар

Брунеј ги повика регионалните лидери на состанок, со цел да разговараат за ситуацијата во Мјанмар, каде владата користи насилство да се справи со протестите против воениот удар на први февруари.

Во заедничка изјава со Малезија, Брунеј рече дека двете држави побарале од нивните министри и високи официјални лица да ги преземат „потребните подготовки за да се одржи состанокот на АСЕАН во Џакарта, Индонезија“.

Индонезија ги предводи напорите на членките на АСЕАН, во која членува и Мјанмар, да охрабри постигнување решение, и покрај долгогодишните практики да не се коментираат домашните проблеми на која било од членките.

Владиното насилство во протестите во Мјанмар досега остави најмалку 557 мртви, и преку 2.750 повредени.