Стејт департмент: Вратата на НАТО останува отворена

По тој повод, американскиот Стејт департмент објави соопштение во кое меѓу другото се наведува дека „членството на Црна Гора ќе поддржи поголема интеграција, демократска реформа, трговија, безбедност и стабилност на сите нејзини соседи. Приклучувањето на Црна Гора воедно за другите аспиранти реафирмира дека вратата на НАТО останува отворена за оние држави кај коишто постои волја и способност да ги спроведат потребните реформи да одговорат на високите стандарди на НАТО, и да ги прифатат ризиците, одговорностите како и бенефициите на членството“, стои во денешното соопштение на Стејт департментот.