Законодавците во Мисиспипи работат на промена на знамето на сојузната држава, бришејќи го конфедеративниот амблем од него, објави Асошиетед прес.
Претставничкиот дом вчера донесе закон, и го испрати на натамошна дебата во Сенатот.
Поддржувачите на знамето се противеа на напорите за негова промена со децении наназад.
Но, настаните изминативе недели, како и протестите против расизмот, доведоа до промена на политичката динамика.
Според Асошиетед прес, бизнисмени, верски лидери, претставници од образование и спорт, инсистираат за промена на знамето.
Согласно предложениот закон, сегашното знаме ќе се избрише од сојузниот закон во наредните неколку денови, веднаш штом биде потпишан од републиканскиот гувернер Тејт Ривс.
Новото знаме треба да биде дизјанирано без конфедеративниот симбол, и би морало да ја содржи фразата „Во Господ веруваме“.
Мисисипи е последна сојузна држава со конфедеративен симбол на знамето, кое предизвикува поделби со генерации. Сите сојузни универзитети престанаа да го користат ова знаме.
Новото знаме, без конфедеративен амблем, ќе се стави на гласање на трети ноември. Ако мнозинството гласа за новиот дизајн, тоа ќе биде новото сојузно знаме.
Ако биде одбиено, ќе треба да се напарви нов дизјан, и повторно да се стави на гласање.
Facebook Forum