Американската прва дама Мишел Обама, се наоѓа во посета на Мароко, како дел од иницијативата за промоција на образованието на девојчињата во светот.
Таа беше пречекана од принцезата Лејла Салма, а е придружувана од двете ќерки Саша и Малија и нејзината мајка Марија Робинсон.
Претходно Мишел Обама беше во Либерија каде посети камп за девојчиња спонзориран од Мировниот корпус, а оствари средба и со претседателката Елен Џонсон Сирлиф, првата жена – претседател во Африка.
Првата дама е на шестдневна турнеја низ Африка каде ја промовира иницијативата „Овозможете им на девојчињата да учат“, фокусирајќи се на пречките како присилни бракови, сиромаштија и насилство – причина што преку 62 милиона девојчиња во светот да не одат на училиште.
На Обама денеска и утре се очекува да и` се придружи и актерката Мерил Стрип.