Според претседателот во оставка Борче Давитковски, на средбата во проширен состав на Комисијата за расветлување на настаните од 24-ти декември, на која покрај четирите редовни членови, по двајца од СДСМ и ВМРО-ДПМНЕ, присуствуваа и лидерите на двете партии, Зоран Заев и Никола Груевски, како и Радмила Шеќеринска од СДСМ и Мартин Протуѓер од ВМРО-ДПМНЕ и странски претставник, денес е постигнат напредок.
Според изјавата на професорот Давитковски дадена по неколкучасовната средба во Клубот на пратениците, постигнат е договор да се продолжи со работа и утре, кога тој и странскиот експерт ќе се сретнат одделно со претставниците на СДСМ и на ВМРО-ДПМНЕ, а, ако е потребно, ќе има и уште една средба и со лидерите, за конечно да се „испеглаат“ разликите околу инцидентите на „црниот понеделник“.
Иако според изјавите пред денешната средба на двата партиски лидера – Заев изјави дека очекува до петок да се донесат заклучоци во кои ќе се констатира прекршување на Уставот и на законите, а Груевски дека СДСМ ќе ја препознае важноста за државата од донесувањето на заклучоците и ќе ги надмине теснопартиските интереси – можеше да се очекува опстојување на непомирливите разлики меѓу власта и опозицијата, професорот Давитковски за Гласот на Америка на македонски јазик, сепак, изрази умерен оптимизам во поглед на крајното решение и најави дека е можно комисијата да го донесе извештајот до петок.
На вчерашната средба, Груевски и Заев се договорија Комисијата да заврши со работа до петок, 23-ти август, со или без постигнат договор, но и денешната промена на форматот на средбата на Комисијата со вклучување на лидерите на партиите, говори за итноста и важноста од донесувањето на заклучоците за собраниските настани од 24-ти декември.
Според изјавата на професорот Давитковски дадена по неколкучасовната средба во Клубот на пратениците, постигнат е договор да се продолжи со работа и утре, кога тој и странскиот експерт ќе се сретнат одделно со претставниците на СДСМ и на ВМРО-ДПМНЕ, а, ако е потребно, ќе има и уште една средба и со лидерите, за конечно да се „испеглаат“ разликите околу инцидентите на „црниот понеделник“.
Иако според изјавите пред денешната средба на двата партиски лидера – Заев изјави дека очекува до петок да се донесат заклучоци во кои ќе се констатира прекршување на Уставот и на законите, а Груевски дека СДСМ ќе ја препознае важноста за државата од донесувањето на заклучоците и ќе ги надмине теснопартиските интереси – можеше да се очекува опстојување на непомирливите разлики меѓу власта и опозицијата, професорот Давитковски за Гласот на Америка на македонски јазик, сепак, изрази умерен оптимизам во поглед на крајното решение и најави дека е можно комисијата да го донесе извештајот до петок.
На вчерашната средба, Груевски и Заев се договорија Комисијата да заврши со работа до петок, 23-ти август, со или без постигнат договор, но и денешната промена на форматот на средбата на Комисијата со вклучување на лидерите на партиите, говори за итноста и важноста од донесувањето на заклучоците за собраниските настани од 24-ти декември.
