Обвинителите во Јемен го обвинија радикалниот свештеник со американско потекло Анвар ал-Авлаки за заговор за убиство на странски државјани и дека е член на Ал Каида.
Обвинението е изречено во негово отсуство. Ова е прва правна акција против Авлаки за кој се верува дека се крие во Јемен.
Американски претставници сметаат дека тој имал улога во неуспешниот напад со експлозив сокриен во долна облека минатиот декември во авион на пат за Детроит, како и нападот од ноември 2009-та година во американската воена база во Форт Худ, Тексас, кога загинаа 13 лица.