Шведската обвинителка Мариен Ну вели дека ќе ја реактивира истрагата за наводно силување и злоупотреба на две жени од страна на основачот на „Викиликс“ Џилијан Асанџе. Тој за наводното дело е обвинет минатиот месец.
Ова се случува една недела откако друг обвинител изјави дека нема доволно докази за поткрепа на обвинението против Асанџе.
39-годишниот Асанџе ги порекна обвинувањата, изјавувајќи дека никогаш немал сексуални односи кои не биле дозволени од другата страна. За основачот на „Викиликс“ е познато дека нема постојана адреса на живеење и постојано патува од една во друга земја. Во јули, веб-страницата обелодени преку 70.000 тајни документи на американската влада за војната во Авганистан. Од компанијата додаваат дека наредниве недели планираат да објават уште неколку илјади други документи.