Агенти на Федералното истражно биро (ФБИ) уапсиле над 100 членови на мафијата и нивни соработници во најголемата еднодневна операција во историјата на Бирото.
Американскиот главен обвинител Ерик Холдер на прес-конференција во Бруклин рече дека апсењата се случиле утринава. Лицата биле уапсени во Њујорк, Њу Џерси и Роуд Ајленд за трговија со дрога, изнудувања и убиства.
Холдер рече дека агентите уапсиле членови на сите пет италијанско-американски групи на организиран криминал во Њујорк, а едно лице е приведено во Италија. Таканаречените „пет семејства“ во Њујорк се познати како Ла Коза Ностра и се поврзани со сицилијанската мафија.