Потрошувачката во САД минатиот месец забележа благ пораст, напоредно со довербата во економијата.
Извештајот на владиниот Оддел за трговија наведува дека потрошувачката во септември нараснала за 0,6%, иако приходот на потрошувачите се зголемил помалку од предвиденото.
Потрошувачката моќ ја движи економската активност во САД и денес објавените податоци покажуваат дека американската економија во моментов расте со годишна стапка од 2,5%.
Ваквите проекции беа поткрепени и од одвоениот извештај на Ројтерс и Универзитетот во Мичиген дека во септември благо нараснала потрошувачката доверба во економијата, со што се зголемува надежта дека американската економија ќе избегне уште една рецесија и ќе продолжи со постепен опоравок.