Во Центарот за архивирање и едукација за Холокаустот во Форт Лодердејл, сојузната држава Флорида, неделата се прикажа документарниот филм „Сродни души“ на македонската режисерка Марија Макеска која живее во Детроит. „Сродни души“ е сведоштво за погромот на македонските Евреи за време на Втората светска војна.
30-минутниот документарец е со емотивен набој за голготата. Младата Макеска се инспирирала од раскажувањата на нејзината баба - сведок на погромот на Евреите од Македонија. Ова е филм за пријателство меѓу две девојчиња од разни вери, вистинско, искрено, длабоко...
Едното од нив доживеало да раскажува за другото.
Документарецот користи и историски податоци за мерките на тогашната окупаторска власт против еврејската заедница во Македонија.
Ова е прв официјален филм за македонските Евреи, за врската меѓу двата народа, македонскиот и еврејскиот, што не е раскината и покрај нацистичкото зло.
Филмот на Макеска на наполни салата во Флорида со преживеани од Холокаусот кои со солзи се навраќаа на мачните моменти.
Поуката од Холокаусот - никогаш да не се повтори - одекнува и денес. Во рамки на Центарот за архивирање и едукација за Холокаустот во Форт Лодердејл, 13-годишниот Дејвид од Флорида, кој беше на проекцијата на филмот, добро ја знае вредноста на еден цент. Си задал задача да собере 6 милиони центи – по еден за секој загубен човечки живот во холокаустот. Досега собрал 1,5 милиони центи.