Американскиот претседател Барак Обама рече дека Муслиманските Американци имаат голем придонес во „силата и карактерот“ на САД. Тој вака ги поздрави гостите во Белата куќа за вечерата Ифтар со која се слави Рамазан - светиот месец во муслиманската вера.
Обама настанот го поврза со одбележувањето на 10-тата годишнина од терористичките напади на 11-ти септември, велејќи дека во време кога државата им оддава почит на оние кои служеле и го дале животот за САД, мора да се почитува и да се најде инспирација во разноликото етничко потекло и верски убедувања на граѓаните на оваа држава.
На вечерата присуствуваа муслимански лидери, активисти, како и избрани претставници и лидери од сите вери.