Американското пописно биро јави дека стапката на сиромаштија во земјата се искачила на највисоко ниво во последните 15 години, додека севкупната бројка на луѓе кои живеат во сиромаштија е на највисока во последните пет децении откога се води статистика.
Вкупната бројка на луѓе кои живеат во сиромаштија во САД се зголемила од 13, 2 проценти во 2008-ма на 14, 3 отсто во 2009-та. Понатаму се вели дека 43, 6 милиони луѓе лани живееле во сиромаштија, што е зголемување за скоро четири милиони од 2008-ма.
Директорот на пописното биро Дејвид Џонсон, рече дека тешката рецесија принудила многу економски стручњаци да предвидат уште повисока стапка на сиромаштија во земјата.
Тој рече дека зголемувањето на невработеноста и другите владини бенефиции го одржале нивото на сиромаштија.
Истражувањето исто така покажа дека бројката на луѓе во САД без здравствено осигурување го надминала прагот од 50 милиони луѓе во 2009-та, што претставува прво зголемување откако се регистрираат податоци од 1987-ма.