Линкови за пристапност

Нов проект во Македонија за борба против организираниот криминал


Нов проект во Македонија за борба против организираниот криминал
Нов проект во Македонија за борба против организираниот криминал

Министерството за внатрешни работи во последниве години има околу 400 успешно реализирани случаи поврзани со организираниот криминал

Македонската полиција преку Единицата за меѓународна координација на органите надлежни за спроведување на законот во Република Македонија ќе се справува со организираниот криминал.

Со групирање на меѓународните контакти и размената на информациите ќе се зајакне соработката и вмрежувањето меѓу државите кориснички и земјите членки на ЕУ. Овој проект за прв пат се воспоставува во Европа, а преку него ќе се воспостават и механизми за соработка со национални и меѓународни партнери надлежни за спроведување на законот, смета директорот на Бирото за јавна безбедност Љупчо Тодоровски.

„Идеата е сите информации што ги добиваат овие служби или тие со кои контактираат во странство да се слеваат во оваа единица и преку неа да оди размената на информации. Освен македонската полиција тука е и јавното обвинителство, финансовата полиција, министерството за правда, царината на Република Македонија. Овој проект за прв пат е воспоставен во Македонија и можеби беше пилот проект за да видат европјаните дали тоа ќе функционира, објасни Тодоровски.

Тој зборуваше и за факторите што влијаат да се развие организираниот криминал:

„Во околината има земји што се позагрозени од нас. Нашето министерство води околу 370 оперативни криминалистички обработки, а сите земји од нашата околина заедно немаат толку. Тоа не значи дека ние имаме многу повеќе организиран криминал и повеќе организирани групи кои не` загрозуваат, туку нашата активност е насочена кон сузбивање на овој вид на криминалитет многу повеќе во однос на полициите во сосеството и пошироко, вели Тодороски.

Министерството за внатрешни работи во последниве години има околу 400 успешно реализирани случаи поврзани со организираниот криминал.

Проектот е финансиран од Европската комисија, а реализацијата е во соработка со Федералното Министерство за внатрешни работи на Австрија и Министерството за внатрешни работи на Република Словенија. Наменет за државите од регионот на Западен Балкан.

XS
SM
MD
LG