На 16-годишна возраст, легендарната пејачка и актерка Лина Хорн станала член на хорот на Cotton Club, познат ноќен клуб во Харлем, каде црнци изведувале пред бела публика.
Таа станала омилена пејачка во клубовите од 1940-те до 1960-тите изведувајќи музика во разни жанрови. Позната по нејзината долговечна убавина, таа продолжила да снима се` до 1990-тите.
Нејзиниот настап во филмскиот мјузикл во кој играа само Афроамериканци, Stormy Weather, во 1943-та бил вистински триумф. Таа ја отпеала главната тема во мјузиклот што станала нејзин заштитен знак.
Хорн можела да стане голема филмска ѕвезда, но нејзиниот успех бил попречен од расна дискриминација и сегрегација во првата половина од 20-от век во САД.
Кога Хале Бери станала првата црна актерка што добила оскар за најдобра актерка во 2002, таа и` се заблагодари на Лина Хорн.