Македонскиот претседател Ѓорге Иванов денеска во Њујорк се среќава со грчкиот премиер Јоргос Папандреу.
Средбата, на која ќе присуствува и шефот на дипломатијата Антонио Милошоски, доаѓа по иницијативата на Иванов, кој преку ОН упати барање да се сретне со Папандреу.
Според информациите од Кабинетот на Иванов, денес тој ќе учествува и на работниот ручек за шефови на држави што го организира генералниот секретар на ОН Бан Ки Мун, а вечерта ќе биде и на приемот што го организира претседателот на САД Барак Обама за гости од цел свет.
Иванов останува во Њујорк и во наредните денови, потврдуваат од Кабинетот. По консултациите со премиерот Никола Груевски, било договорено шефот на државата да го продолжи престојот и да го преземе планираното обраќање пред Генералното собрание на ОН, закажано за 27-ми септември во попладневната сесија.