Aктерот Пит Постелтвајт ја загуби битката со ракот. Опишан како најдобар актер во светот од режисерот Стивен Спилберг, овој некогашен кандидат за Оскар во 2004-та ја доби почеста да стане офицер на Британската империја во 2004-та. Постелтвајт имаше 64 години.
Лекарите се обидуваат со антибиотици да спасат дел од ногата на За За Габор. Можеби ќе мораат да извршат хируршки зафат поради почеток на гангрена. 93-годишната актерка веќе некое време има здравствени проблеми.
Дејвид Аркет се пријави за болнички третман против зависност од алкохол и депресија. По неодамнешниот развод од актерката Кортни Кокс, со која беше осум години во брак, неговиот живот фати вртоглаво надолна линија, вклучувајќи и јавувања во радио-програми за да изнесе интимни детали од нивната врска.
Врската ја раскинаа и актерите Меколи Калкин и Мила Кунис, по осумгодишно заедничко живеење. Извори велат дека не се заедно од пред неколку месеци, но веста ја држеле во тајност се` до промовирање на новиот филм во која настапува Кунис, „Црниот лебед“.