САД ја ставија главната кинеска Интернет-страница за пребарување на листата на таканаречени „озлогласени пазари“ што продаваат фалсификувана стока.
Листата годишно ја објавува Канцеларијата на американскиот трговски претставник, а неа се наоѓаат над 30 Интернет-страници и физички пазари кои продаваат пиратизиран материјал, вклучувајќи и музика и облека.
Канцеларијата наведува дека кинеската страница Баиду нуди директни врски до пиратизирана стока што се продава преку Интернет, а страницата на најголемата кинеска компанија за малопродажба, Таобоа, нуди фалсификати на стока заштитена со авторски права.